Um Ingunni – Ingunn Ósk Benediktsdóttir

„ Þá sagði Guð: Verði ljós. Og þá varð ljós. Og Guð sá að ljósið varð gott; og Guð greindi ljósið frá myrkrinu“, (Fyrsta bók Móse). Ljósið hefur alltaf verið tákn æðri máttarvalda, fegurðar og hreinleika, það vekur lotningu. Skynjun ljóssins er ekki einungis háð hugarástandi þess sem það nemur, heldur einnig ljósgjafanum og því efni, sem ljósið fer um áður en það nær til augans. Glerlistamaðurinn getur þannig notfært sér síbreytileika dagsljóssins og leik þess á ferð sinni í gegnum steint gler til þess að skapa lifandi listaverk. Finna má skrif um steinda glugga í ritum kirkjufeðra frá fyrstu öldum kristni í Rómarríki, en þekktari eru steindir gluggar í miðaldakirkjum Evrópu.

Tæknin hefur í megindráttum haldist óbreytt frá því að munkurinn Theophilus, sem uppi var á 12. öld, lýsti aðferðum glerlistar í bók sinni Schedula diversarum artium. Fyrst er það skissan, útfærð í fullri stærð, síðan ákveðnar skurðlínur og samskeyti, Síðan er glerið skorið. Við samsetningu eru oftast notaðar blýlengjur til að tengja saman hið skorna gler, en einnig má líma koparþinnur á brúnir glersins, sem síðan eru lóðaðar saman með tinblöndu. Þá aðferð notar Ingunn aðallega við gerð mynda sinna.

Ingunn Ósk er gift Högna Óskarsyni, geðlækni. Þau eiga tvö börn – Guðrúnu Högnadóttur, framkvæmdastjóra og Þorberg Högnason, lækni. Guðrún er gift Kristni Tryggva Gunnarssyni, ráðgjafa og eiga þau tvær dætur – Kristjönu Ósk Kristinsdóttur, heilbrigðisverkfræðing og Ingunni Önnu Kristinsdóttur, viðskiptafræðing.

1964: Stúdent frá Menntaskólanum í Reykjavík.
1965: Kennarapróf frá Kennarskóla Íslands.
1972-74: Nám til BA-náms í frönsku við Háskóla Íslands.
1977: University of Rochester, New York , MA próf í frönsku og málvísindum.
1978-80: Studio Arc en Ciel, New York. Nám í glerskurðarlist.
1978-80: Parson School of Design, New York. Nám í teiknilist.
1982: Háskóli Íslands, próf í uppeldis-og kennslufræðum.