Flugmálastjórn óskaði eftir spegilmynd glerlistaverksins Vængjuð veröld fyrir höfuðstöðvar Flugmálastjórnar í Nauthólsvík.  

Glerlistaverkið „Vængjuð veröld“ (enska Winged World, franska Le Monde Ailé) er gjöf Flugmálastjórnar til Alþjóðaflugmálastofnunarinnar (ICAO) í tilefni af því að stofnunin flutti starfsemi sína í glæsileg ný húsakynni í Montreal í desember 1996.  

Listaverkið á að minna á oddaflug á gæsa og álfta.  Það er í fimm hlutum sem tákna heimsálfurnar fimm.  Allur heimurinn kemur fram í verkinu og það endurspeglar hið alþjóðlega umhverfi flugmála og flugumferðarstjórnar og undirstrikar mikilvægt samstarf aðildarríkja ICAO.  Í verkinu eru dökkleitir hringir sem tákna ratsjárgeisla.  Íslenski fáninn er dreginn fram í bláum, rauðum og hvítum litum verksins.  Ísland sker sig úr, enda er það gert úr fallega hreinum og hvítum bergkristal af Austfjörðum.

Ingunn vann þetta verk að beiðni Flugmálastjórnar – en verk eftir hana prýða byggingar beggja vegna Atlantshafsins.  Listaverkið er þáttur Íslands í sameiginlegri gjöf Norðurlandaþjóðanna til ICAO.  

Verkið er gert úr munnblásnu gleri, spegli, blýi og bergkristal.

Verkið er gjöf Flugmálastjórnar til Alþjóðaflugmálastofnunarinnar (ICAO) þegar stofnunin flutti í nýtt húsnæði í Montreal. Listaverkið minnir á oddaflug gæsa og álfta. Það er í fimm hlutum sem tákna heimsálfurnar fimm. Það endurspeglar hið alþjóðlega hlutverk ICAO og undirstrikar mikilvægt samstarf aðildarríkjanna. Í verkinu eru dökkleitir hringir sem tákna ratsjárgeisla. Íslensku fánalitirnir koma fram í verkinu og Ísland sker sig úr, staðsett í efsta hlutanum, gert úr hvítum bergkristal af Austfjörðum. Endurgerð verksins má sjá í aðalstöðvum Flugmálastjórnar á Íslandi.

Verkið er gert úr munnblásnu gleri, spegli, blýi og bergkristal.