Hitaveita Reykjavíkur keypti verk Ingunnar við opnun Perlunnar árið 1991 í framhaldi af sýningunni „Summer Exhibit in the Winter Garden“.
Um er að ræða sex hringlaga glerlistarverk úr munnblásnu gleri og upphleyptum andlitum dætranna. Fyrst er andlitið mótað í leir og gler lagt ofan á hann, sem er síðan brætt í ofni.
Hugmyndin var að fylla ekki upp í ferkantaðar rúður Perlunnar – í stað þess valdi Ingunn hringlaga form eilífðarinnar, Perlunnar og tankanna sjálfra.
Þemað í verkinu er byggt á grískri goðsögn um 50 dætur Danaos konungs. Þeim var í refsingarskyni gert að bera vatn í fötum í botnlaust kerald. Ingunn fangar vatnið og þrautseigjuna í listaverkunum sex.
Perlan
1991
